تختار منصة

شوبيفاي ولا إيزي أوردر؟

الاتنين شغالين في مصر، والاتنين فيهم الدفع عند الاستلام. بس كل واحد معمول لنوع مختلف من البياعين.

آخر تحديث محمود جبريل

أنا بعمل متاجر على شوبيفاي، فخد ده في بالك. حاولت أكون منصف مع الاتنين.

الحاجات المشتركة

  • الدفع عند الاستلام
  • الدفع بالكارت عن طريق شركات دفع
  • الربط مع شركات الشحن
  • تقدر تربط الدومين بتاعك بالمتجر

إيزي أوردرز مناسب لو

  • بتبيع منتج واحد أو كام منتج، ومعظم البيع من إعلانات ميتا أو تيك توك
  • عايز صفحات هبوط سريعة فيها فورم الأوردر
  • معظم أوردراتك دفع عند الاستلام
  • عايز تبدأ بسرعة وتصرف قليل في الأول

شوبيفاي مناسب لو

  • بتبني براند فيه كولكشنز ومنتجات كتير
  • عايز المتجر شكله زي البراند بتاعك، مش زي تمبلت
  • عايز متجر تطبيقات كبير للريفيوز والباندلز ونقاط الولاء وغيرها
  • ممكن تبيع برا مصر بعدين

التكلفة

المنصتين بيحاسبوا بالدولار. شوبيفاي فيه اشتراك شهري، وفي خطة Basic بياخد 2% على أوردرات الكارت اللي بتتدفع عن طريق شركة دفع خارجية. إيزي أوردرز عنده خطة بتدفع فيها على كل أوردر، وخطة شهرية. الأسعار بتتغير، فشوف صفحة الأسعار عند الاتنين قبل ما تقرر.

ينفع أنقل بعدين؟

أيوه. تقدر تبدأ صغير وتنقل لشوبيفاي لما البراند يكبر. النقل محتاج شوية شغل، بس المنتجات والصور بتتنقل معاك.

مش عارف تختار أنهي؟ ابعتلي لينك الإنستجرام على واتساب، وأقولك أنا كنت هختار إيه للبراند بتاعك.