قائمة
محتاج إيه عشان تفتح متجر إلكتروني في مصر؟
جهّز الحاجات دي الأول، وعمل المتجر هيبقى سهل. ومعظمها موجود على الإنستجرام بتاعك أصلا.
قائمة المنتجات
الاسم والسعر والمقاسات أو الألوان، وعندك كام قطعة من كل واحد. شيت بسيط كفاية.
الصور
صور واضحة على خلفية سادة، في نور النهار. صور الموبايل كويسة. وخلّي كل المنتجات بنفس الستايل.
الشحن
بتوصّل لأنهي محافظات، وسعر الشحن لكل واحدة، ومين اللي بيوصّل: مندوب بتاعك ولا شركة شحن.
الدفع
معظم المتاجر في مصر بتبدأ بالدفع عند الاستلام. والدفع بالكارت بيبقى عن طريق شركة دفع زي Paymob.
قواعد المتجر
الاسترجاع والاستبدال، والشحن، والخصوصية. قصيرة وواضحة، عشان العميل يثق فيك.
الدومين
عنوان متجرك، زي yourbrand.com. اشتريه باسمك إنت.
أكونت المتجر
أكونت المنصة (شوبيفاي مثلا) باسمك، ومدفوع بالكارت بتاعك. المتجر ملكك.
التواصل
رقم واتساب وإيميل للمتجر.
تتبع الإعلانات
لو بتعمل إعلانات، بكسل ميتا وتيك توك يتركبوا على المتجر من أول يوم، عشان تعرف أنهي إعلان بيجيب أوردرات.
أنهي منصة؟
لمعظم البراندات في مصر، الاختيار بين شوبيفاي وإيزي أوردرز. دي طريقة تختار بيها.
عندك معظم الحاجات دي؟ ابعتهالي على واتساب ونعمل المتجر سوا.